【晴報專訊】洪永城（Tony）過往經常拍旅遊節目，但自從新冠肺炎爆發後，不但無得去旅行，他原定今年底出發拍攝旅遊特輯，走訪多國疫情前後的社會變化，可惜近日疫情愈見嚴峻，他已打定輸數計劃泡湯，惟有看網上海灘短片自娛。
洪永城笑言睇沙灘短片，可暫時「紓緩」旅行癮。
洪永城、黃嘉雯與鄧佩儀等昨日以嘉賓身份，出席無綫明珠台節目《絕色星期二︰野性超感官》記者會，Tony笑言很喜歡欣賞動物紀錄片，以往也曾為動物紀錄片任配音旁述。近日疫情再大規模爆發，有否影響Tony的工作？他表示剛拍完《陀槍師姐2020》，暫時未有劇集在身，但他透露本打算今年10、11月出埠拍旅遊節目，到世界各地探討疫情對社會及生活的影響，但照目前疫情看來，多數未能成事。
洪永城與周志康（左）及黃嘉雯試飲特飲時，竟飲到面容扭曲。
Tony搞笑說：「其實都打定輸數，我都成一年無飛過，呢段時間惟有自娛，上網睇啲無人沙灘片，望住個mon，聽住浪聲幻想，當自己飛咗去外地囉。」與女友梁諾妍（Inez）一齊幻想？他笑說：「女朋友梗係無啦，可能佢見到我咁，要重新評估男朋友，或者可能要暫時分開下，哈哈！」
女友健身中心受影響
問到女友經營的健身中心，可受疫情影響生意？Tony說：「暫時都未知情況，不過生意上唔多唔少都會有影響。」提到政府收緊限聚令措施，他無奈說：「咁都無辦法，呢個時勢最重要係做好防疫措施。」
July 14, 2020 at 07:57AM
https://ift.tt/2CvbOXZ
旅遊特輯計劃泡湯洪永城上網睇沙灘片當旅行| 娛樂情報 - 經濟通
https://ift.tt/3hIgzgZ
Bagikan Berita Ini
0 Response to "旅遊特輯計劃泡湯洪永城上網睇沙灘片當旅行| 娛樂情報 - 經濟通"
Post a Comment